2007年9月6日 星期四

減肥

我公司有一個在外國既同事患左壓食症,個情況時好時壞,佢苦苦掙扎左一年多之後,終於入院,今次應該好嚴重,唔知幾時可以出返來。

聽講佢只有廿六歲,好能幹快手,患病後亦都好堅強地面對,但係始終不敵依個病魔,要訓醫院。 佢一下入院,我地真係大混亂,希望佢快d好返,可以返工。

本來以為依d病都係外國多姐,我地中國人太鍾意食野,無咁易壓食。我都有朋友日日嗌住要減肥,但係佢地係果d一邊嗌減、一邊係咁食既「口是心非」份子。

但先幾日有高人提點,話香港d女仔無論幾瘦都覺得自己肥喎。咁我試下問我果三個妹妹,結果竟然係三個都話自己需要減肥!

唔係掛,佢地三個唔止瘦,仲要係骨架好細果隻。試過在茶餐廳個d二人卡位,佢地三個坐晒落去都仲有位鬆動。依d卡位好窄,係大肥佬一個人就會坐滿嫁啦喎!

咁,就趁佢地填醫療保險時同佢地計下BMI。結果,最高果個都只有19.5,最低果個只有17.7!!!亞洲人要有18.5-22.9,既係話一個身高1.6米既女仔,要有47.3-58.8公斤又或者104-130磅至岩,低過104係好唔健康嫁啦,而只要唔夠130磅其實都好ok!唔係人人都要低過一百磅嫁喎,唔信自己計吓


於是,我唯有走去買泡芙比三個妹妹食,仲要係Beard Papa’s果d外皮好脆、好多滑滑cream果隻呢,每個泡芙既卡路里直達一萬。

妹妹已經愛上咁邪惡既美食,開始自己買來食...

又,聽日Lunch會叫KFC外賣,美女減肥計劃全面泡湯。

Yeah!

18 則留言:

seikomatic 提到...

食得多時腰會鬆,
減肥最怕會縮胸。

匿名 提到...

减乜鬼肥啊
女仔有番啲肉底有三大好處
1)好攬(吓得我丫,爭啲打咗'好攪')
2)好睇
3)好褔氣

黑人 提到...

女仔有少少肉地係好攬d
咁搞的時候點都會涉及攬的動作
就算說好搞也不為過丫

記得N年前一期amy講過話男女有肉地不緊要
但肚腩不要太大,費事搞的時候頂住晒就無feel

最喜歡吃鬍鬚伯伯的朱古力cream puff
可惜港島區唔知邊頭有啊!

匿名 提到...

Samsara 姐姐,

估唔到你係一個咁邪惡既魔鬼‧‧‧竟然用 D 咁既野黎誘惑人‧‧‧

不過我同上面咁多位既意見一樣,女仔點都係要有返 D 肉,有少少肥先好睇好攬既。通常我見到 D 骨瘦如柴既女仔,我就會話〝香港幾時變左埃塞俄比亞架?而家香港冇飯你食呀?〞。

容我講得難聽 D,香港幾時變得咁折墮架?

C.M. 提到...

姐姐,你洗鬼減咩!我就真係努力緊勒,死喇,我條仲未達標呀。(一於聽你話,聽日搵KFC先)

野孩子 提到...

妳講開呢個話題,
我記得有套戲叫
《迷上癮》[Requiem for a dream],
我覺得每一個想減肥既人都應該用$19 買呢套DVD來看 (HMV有),電影裡面有一段講減肥既。

我好少看完電影後因為D 題材令個心好唔舒服。

ah-yun 提到...
作者已經移除這則留言。
匿名 提到...

Samsara姐姐,

通常都係,瘦既女仔好難「天然地」局部地區肥胖...一般都係平均地...「平」...

瘦...好睇唔好食...
肥...好食唔好睇...
都係要半肥瘦啦...(依幾句,係講緊叉燒...)

學 霖 山 莊 提到...

Wa! 好魔鬼ar!

匿名 提到...

話人係「叉燒」,係會傷害別人既弱小心靈架!

Samsara 提到...

大師:你咁勁,千祈唔多減呀!

Hena:
(4)無咁易凍死,你話鐵達尼入面點解桀克湅死,路絲救得返呀?

黑人哥哥:審美觀真係可以變得好多,Jan van Eyck果張古代的婚紗相,新娘咪凸晒肚既?我之前既老師話佢地唔係奉子成婚,而係果時興有肚dum,咁至靚...喎。

Sogo個basement都有鬍鬚伯伯嫁,我都係鍾意食原味,佢d cream仲有一點點既雲呢嗱草嫁,好味。

獅子哥哥:咁,佢地又不至於廋骨如柴既,但係真係肥d會靚d囉。

CM哥哥:KFC外賣既完來係成個飯盒咁大嫁,食唔晒。食咁多,又點靠個樣來揾食呢又?

無常哥哥:《迷上癮》未聽過喎,不過我好驚睇d整容抽脂既記錄片,好恐怖嫁!

AK哥哥:真係高要求嫁,你都係要黃秋生來幫你揾囉。

學霖哥哥:你都好幸福呀,日日有情定姐姐煮飯仔你食。

數乖哥哥:蝦,乜你依家至知港女唔得罪得嫁咩?

C.M. 提到...

香水妹妹:

你真係啱,都係聽你話... 我仲要靠個樣搵食,今日食少件。

提到...

>(4)無咁易凍死,你話鐵達尼入面點解桀克湅死,路絲救得返呀?

但係如果路絲冇咁肥,就兩個人都可以訓上塊木板度,桀克就唔使湅死...

惡女 提到...

最最最邪惡係啲減肥纖體公司呀,恨佢地入骨,好多人食嗰啲藥,減到周身病,我試過出力踢嗰間公司一鑊,間公司又告我哋又乜又物,最後無左件事,而我最嬲係,仍然有好多人唔埋條命搵佢地減肥,間公司仲愈做愈大,我真係火都嚟,有無搞錯呀,啲人做埋呢啲陰質野,真係XXXXX!

學 霖 山 莊 提到...

情定唔煮飯,
學霖紮肚皮,
day day eat myself,
一無飯夫婦...

野蠻郡主 提到...

其實身型唔岩比例或者焗部真係肥其實要減下架…不過d長輩一定話…減咩鬼呀!依家咪幾好。

其實我都覺得有d太瘦既女仔都仲話要減…就攪到應該要減個d話減都俾人話埋一份…

Samsara 提到...

CM哥哥:KFC仲好熱氣添,因住塊面丫。

米搞哥哥:係喎,原來桀克係咁死既。不過如果路絲一直抱住桀克,咁桀克咪好似著住綿衣咁,實唔會涷死囉?

惡女妹妹:係,纖體公司真係賺緊Blood money,佢地仲好大力地推動要瘦似饑民先係靚既觀念,比如人肥就坐唔入車,比如人肥lift就會響,真係好尖酸刻薄既廣告。

姊妹們,要有獨立思考啊,唔係電視話乜就信囉。

學霖哥哥:情定姐姐起碼係識煮呀,佢有心情既話你咪有飯食囉,總之有希望啦!

郡主妹妹:你都好廋嫁喎好似,你係咪都要去吓揾鬍鬚伯伯呢?定點減肥?我真係唔多信喎。Top Model既身材,唔係正常女人既身材,你睇下Nike Women既廣告就知啦。

野蠻郡主 提到...

哈哈哈…samsara…我剩係瘦個頭咋(所以成日影相都係得個頭)…我係啤利一屬來架!不過呢…我覺得岩比例就ok,如果唔係就太異常喇!