鄒蘊盈在時代廣場搞緊畫展呢，仲有火柴盒、卡片套、布袋同精品買。
以前都見過Carrie既畫但係無乜點留意，但今次既畫展真係好搶眼，在落扶手電梯時，你就會比佢既顏色ｄ大大既公仔頭吸引。睇真跡真係好開心，可以見到畫家用厚厚既白色油彩堆砌出天空既雲，可以見到公仔臉上既杯印，可以睇到顏色細緻既變化。
Carrie既公仔臉上成日都有補釘同壓印，雖然永遠係圓滾滾既娃娃臉，但係誇張既大眼睛同眼睫透露出邪氣，又誇張、又華麗。嘿，天使與魔鬼既混合體就是如此。
港女行來行去，結果都無買到野．．．Carrie既畫除左華麗，望得耐，唔知點解，仲令人不安。
13 則留言:
令我有ｄ懷念佢以前響油痳地Homeless個巨型千秋公仔．．．
我都好鐘意佢既作品，不過身邊朋友都話好恐怖......唔知點解，我又唔覺喎
有邪氣....作者的內心都幾陰霾
我不清楚是否有人細心留意作者所要表達的是甚麼？在畫作裡頭，華麗色彩背後，是否能找到一張「自然而愉快的笑臉」？
面對著瘋狂且無意識的把畫作拍攝下來據為己有的朋友們，和模仿、抄襲、奈良美智之聲在耳邊不絕響起。留在會場的將近兩個小時，眼裡看盡羊欄內的羊群心態在作崇，耳內聽盡尖酸刻薄的說話，有點莫名其妙。
展覽會和賣物會之間的分界線，
是否顯得逐漸迷糊？
um..我對佢d作品都係見過下，如果佢d插圖有出過雨傘..咁我就應該買左把喇!~
米搞哥哥：原來Homeless在油麻地嫁，嗯，真係好耐無去過依度lu。
艾米(哥哥?姐姐?):嗯，你覺唔覺佢地公仔永遠有ｄ支離破碎？我終於諗到點解佢令我不安啦，佢既公仔令我聯想起果ｄ膠既洋娃娃，識眨眼果隻呢，我好細個時係鍾意嫁，大個ｄ就開始覺得恐怖啦。依種公仔對眼係有瞳孔同虹膜既，仲有好長好硬好彎既眼睫毛，藍眼果種最恐佈，真係驚佢夜晚會同你單眼。
永恆哥哥：我睇已經咁不安，Carrie係在乜野心態下畫出來嫁呢？佢又無打過仗又無挨過饑荒，點解會咁－－－你講得岩－－－陰霾呢？Carrie之所以咁受歡迎，可能就係因為佢依種聽日就係世界未日咁既瘋狂華麗。心靈空虛係我地依代飽食文化下既共通點掛。
無常哥哥：依個好明顯係賣物會，我聽到有人問sales姐姐要某某張畫．．．賣左，跟住又問第二張畫．．．都賣埋，我諗會場內所有展品，包括果隻大黑羊公仔都可以買。
我真係好難以想像有人會擺Carrie既畫在客廳、甚至在睡房，唔會越睇個人越灰嫁咩？唔驚嫁咩？
Carrie唔似奈良美智喎，奈良美智寸到出晒面，Carrie subtle好多；奈良美智乾淨簡單，Carrie精細華麗。
你睇左兩個鍾頭咁耐？係睇畫定睇人呢？我幾唔鍾意見到ｄ人果種瘋狂影相法，張張畫都影，好似影左就係佔為已有。依家係有真跡無遮無擋咁擺在你面前，你可以見到一筆筆既stroke，如果你好意思再伸個頭埋ｄ，應該可以聞到油墨既味道，而佢地只係在度影相。
其實我唔反對藝術有商業成份嫁，咁artist都要食嫁嘛，Carrie自己都話佢既作品有六成定七成係商業，其他先係佢自己鍾意既創作。
曲高則和寡兼無錢開飯，咁囉。
喂，有冇場內眾生相睇呢？
郡主妹妹：依家在TS食滿唔知幾錢都有得換Carrie既傘喎。
我都有一幅carrier 既poster, 係揀左好耐先揀到一幅無咁陰森既眼神做屋企擺設,我覺得佢d style 幾似Fernando Botero 架, 係一個哥倫比亞既晝家, 佢d 畫又係好cute 好肥, (尤其個肥女向廁所照鏡果張, 我掛左向廁所, 每一個去借廁所既朋友都爆笑出來..)不過眼神永遠流露出對生命沒希望既神情,或者好無奈...
有時...望佢d 畫..連我都唔開心埋...(不過又忍唔到買喎...認真賤格...XD)
油痳地間Homeless．．．執左啦．．．
有d魔剎feel
hitcake哥哥:Fernando Botero又幾得意喎，張toilet女郎真搞笑，你仲真係貼在toilet添，唔笑都唔得啦。佢係咪講緊現代人外表強壯、內心軟弱？又或者四肢發達、頭腦簡單。
米搞哥哥：執左啦？？？不過好似仲有shop。
數怪哥哥：我試過睇monster幾次都在最初幾本中陣亡，可能遲ｄ乾脆租返出慢慢睇。
samsara 姐姐..
我係妹妹來的...:~(
間新shop 向歌賦街..九記牛腩隔離
hitcake
hitcake妹妹:Sorry, sorry!
又係喎，哥哥又點會對ｄ咁大隻既裸女有興趣呢？
homeless在上環？嗯，都有機會去吓。
張貼留言