2007年9月13日 星期四

色戒

七十講色戒,也來湊熱鬧。

唔好意思,以下有講全盤內容,篇小說好短嫁咋,不如自己睇左原文先。

又,小說改編成電影既話,我會揀睇左小說先。小說有更多想像空間,特別依篇篇幅咁短、又多留白,李安可以有好多個人發揮。

====================

我終於都睇左色戒啦,之前一直都無睇過依一篇。

其實唔錯喎我覺得,同埋我明白點解李安要拍依個故事,依一篇真係好有電影感,有好多非常正既影像同鏡頭。

比如「麻將枱上面一只只鑽戒光芒四射」、「土黃厚呢窗帘,上面印有特大的磚紅鳳尾草圖案,一根根橫斜著也有一人高、「左首牆上挂著長短不齊兩只鏡子,鏡面畫著五彩花鳥,金字題款」,真係好色彩斑斕!

最搞笑呢,就係d女人既衣著打扮,竟然用金鏈來造黑呢斗篷既紐扣!!!仲要戴三五七卡既鑽戒來打麻雀,鑽戒同麻雀鬥大粒,再開大光燈來鬥閃...真係港女都比下去。

易先生令人討厭嗎?嗯,一個殺人放火既軍官會對間諜有幾仁慈呢?就算佢係美人、就算係最後一刻救左佢。講來講去,都係王佳芝竟然愛上依個易先生,真係千年道行一朝喪,依個明明不過係純肉體關係。張愛玲筆下既男人係咁嫁啦,唔會激起你討厭佢地,討厭都仲算係一個有温度既情緒;玲玲寫既男人,會令人打從心底裏睇唔起佢。

好想睇梁朝偉點樣演果個救佢一命既憐惜表情啊!但係上次偉仔在傷城演得太過火啦,佢可能可以演d少少壞比較曳既男人,唔太能夠演真正鐵石心腸既無毒不丈夫囉。今次,睇下點。

依個係張愛玲同胡蘭成既故事???哈哈,玲玲太高傲啦,你永遠唔會見到佢走出來潑婦罵街呼天搶地哭個死去活來,佢連控訴都不屑。玲玲就算傷心頂透,都只會好似梅麗史翠普在穿Prada的惡魔咁,躲起來自憐自傷。

嗯,我真係滿腦影像,好期待依部戲啊!

9 則留言:

seikomatic 提到...

梁憔偉顛倒眾生就...........仁者見志啦,但個女主角硬系.....有D鄧睡民民 feel...好似Harrypotter 同 Lord of the ring 咁,都系先入為主,見到個主角就想熄左個戲院。

睇就應該會睇,不過系睇鏡頭,背景,燈光...費事同D fans答唔到爹。

sf 提到...

玲玲指誰?

匿名 提到...

「男人不壞女人不愛」鐵一般事實

通常高傲自負的女人都係敗在臭男賤男身上。

死有餘辜。

老五

Samsara 提到...

大師:我都覺得個女主太英,王佳芝當然傲骨熱血,但係都唔會外露,希望女主見到偉仔可以化身坦己。

先生:玲玲緊係張愛玲,我諗胡蘭成會好似電話响咁叫佢:「玲玲、玲玲。」

我表達得咁差咩?嗚~~~

王哥哥:咁大火氣?可惜感情既野理智控制唔到。不過玲玲都原諒唔到自己竟然失足,所以佢d小說寫得咁冷。

匿名 提到...

咁大火氣?

哈~哈。唔係,表達的時候「掘」d 係真。

習慣o左。

Blogger70th Floor 提到...

愛玲係筆名
皆因她英文名字是elieen

她真名單一個字:瑛

師姐可有興趣看她的散文

Samsara 提到...

王哥哥:明白。

七十:原來玲玲叫Elieen,都估佢實有洋名啦!我都有睇過下玲玲既散文,佢寫既布,令你想做套旗袍來著下。你依一篇我睇過嫁,小眉小眼好難寫嫁,都係議論文易寫d。

不過,玲玲太悲觀lu,色戒睇完之後我都唔開心左一陣,其實睇親佢既小說都會。人生苦短,何必浪費在唔開心上?

Blogger70th Floor 提到...

張愛玲好蒼涼
這與她自己的經歷有關
她冷眼看世間發現滿目蒼涼
所以。

Samsara 提到...

係,佢細個時完全被忽略,佢阿媽見返佢就話早知當年唔救返佢,由得佢病死(!),佢後母蝦佢細佬,佢愛上一個唔值得愛既人...

不過,人係要自我超越既。係好難,但係都有人做到。