2007年9月11日 星期二

悲歌

罷工第三十二日

工友心聲

收到依篇文時,真係唔知點講好。

只希望,大家都珍惜生命,唔好因為錢d咁樣既事而輕生。

有句說話係:『錢解決到既問題唔係問題』,當年由涼粉蟲在通縮負資產既不景氣下講出來,真係好財大氣粗。

但係,依句其實真係好有道理,如果無錢,其實賒借攞公援破產...總有辦法,覺得自己唔應該伸大手板問政府攞錢咩?好,請寫低你攞左政府幾多錢,唔該以後有錢時捐返十倍出來。

有好多野呢,係錢都解決唔到嫁喎,比如天生殘疾、身患絶症、痛失親友。。。

一個人自殺,對佢既親友甚至只係識得佢既人,都係一個好大既衝擊同傷害。

人一世流流長,總有一d關口要過,過左就得嫁啦。


又,有冇試過聽到來自南亞工人既歌聲呢?佢地在尖沙咀既鬧巿中,一樣會一邊做工程,一邊唱佢地家鄉既歌,仲要係好輕鬆明快既曲調。可能因為佢在尼泊爾既家鄉,可以望到遼闊既喜瑪拉雅山。

佢地來到香港依個燈紅酒綠既地方,只係賣佢地唯一擁有既苦力。

9 則留言:

匿名 提到...

講真... 無論啲工人做得幾辛苦, 幾慘都好, 勞力, 點都係唔及腦力值錢架啦

睇咗個紥鐵工個blog, 我更加覺得唔應該加佢哋人工囉, 問題係老闆刻薄呀嘛, 鬧人又點又點嘛, 咁應該爭取嘅唔係改善工作環境之類咩, 而家咁即係收多啲錢同標准工時就可以放低尊嚴比人苟待啦? 咁我會好睇唔起呢啲人囉

匿名 提到...

錢解決到既問題...being "happy" problem...

叫得problem就唔會係HAPPY...冇錢既話又點會唔係問題?

係BUSINESS上, 以前日日同老細講錢解決到既問題, 就用錢解決左佢, 唔好為同錢字而搞到變左"錢都解決唔到既問題"...人身自由比錢不如嗎?

老細一定心諗: 呢條O9冇發達!

匿名 提到...

Samsara姐姐,

經過左36日,工潮結束,勞資雙方以「每日8小時工作,日薪860元,明年3月再檢討」作結...AK在這36日之間,沒有就扎鐵工潮寫過一隻字...因為諗唔通...

經濟角度,管理角度...七十師妹及C.M.兄之前多有論述,AK不在此重覆...政治風雲突變,每多詭詐,再說亦是枉然...姐姐立足的社會角度...AK還是想不通...

本質上,今次工潮是一次集體議價的角力,由於Demand(商會)及Supply(工人)兩方既議價能力差距極大,所以,從一開始,AK就覺得,工人既一方最終會因為工潮持續多時而苦無吋進,最終土崩瓦解...正是「一而起,再而衰,三而歇」...

扎鐵商會本身就係一個類似OPEC既組織,對於市場既運作其實有極大既操控能力,扎鐵工人並不如同其他行業職工一樣,「東家唔打打西家」,無論去到邊,都係一個扎鐵商會,一個統一既價錢...所以公平競爭,based on勞工既不同生產力,收取不同既公資,這個情況是不存在的...市場...並不完美...

集體議價,是要看「拳頭」的硬度...扎鐵商會背後有地產商撐腰,對於工程延誤的抵抗能力一定比工人對於無工開,無收人的抵抗能力更強...扎鐵商會集中了全港的扎鐵商,統一立場,反觀工人,本身就是人多口雜,工聯會,聯工盟之外,還有為了生計而不支持罷工者,這班free rider直接削弱了工程延誤對於商會方面的打擊能力...

所以...三十六日罷工,換來是日薪六十元的增長...工潮如果推至六十日...AK認為,人工的增長,只有更少...

換一個角度,社會除左提供必要的安全網之外...在這一次工潮之中,我們的政府之表現又如何?心中有數...

外國不少的工會規定,任何人要入行,必需加入工會,否則不可從事行業工作...這是確保了在集體議價之中的團結...習慣了各有各做,家家有求的香港人...真的可以玩這種「工運」的遊戲嗎?

愈講愈亂...抱歉...

Samsara 提到...

癲狗哥哥:依個Blog乜野話題都有,混埋唔同既議題。我只係想比大家睇下佢地自己筆下既心聲,對佢地既理解,唔只係會去中環示威既老粗。

On Dog哥哥:我其實好佩服你嫁,可以咁清醒地堅持on居咁耐。放心,依家辛苦既野總會有朝一日有回報;又,就算無回報又如何?可以過得心安都好緊要嫁嘛。

AK哥哥:依篇其實唔係議論文來,七十同火大俠都唔寫,搞到要我寫抒情文。

我對建築工程一無所知,連工人係咪勞力過剩都唔太肯定,真係唔夠資料來下d乜野判決斷。我對政府一直都無期望,只係唔想佢越幫越忙。

十蚊,今次「工運」真係輸得好慘,只係一個下台階。可能仲會更深化香港無得搞工運既觀念。

今朝睇到今次擺工終於告一段落,我真係都鬆一口氣。

匿名 提到...

不要叫我哥哥好嘛 = =” 我諗我未夠資格XD
我明白啦, 咁我都係吠吓我嘅小見啫, 其實我係幾傾向商會嗰邊的, 當然我唔係真係會睇唔起啲工人啦, 不過我覺工潮呢件事, 講嚟講去都係錢嘅問題多囉, 可能我細啩, 覺得佢地虛偽, 所以幾反感的

惡女 提到...

認同AK,唔敢講因為諗唔通,睇極都唔明發生咩事,四個角度都諗過,都係搞唔掂,所以唔敢講。

Samsara 提到...

癲狗弟弟:Sorry,我成日認錯人姓別同年齡。我可能講得唔太清楚,我係指扎鐵工人個blog有好多人既心聲,包含左好多唔同議題;至於敝blog,真係錯漏百出、失禮失禮。

我揾到好文呢,會post出來分享。真係有好多blogger寫得好好。

惡妹妹:唉,同感,真係好難明。

匿名 提到...

it's okay, get到^^b, 得閒也探吓小弟的blog啦 XD

Samsara 提到...

癲狗弟弟:去唔到你個blog喎,留個link比我啦。