一年一度既渣打馬拉松又開始報名啦！
我今次會係第五年跑十公里lu…完全無意圖或企圖”Upgrade”去跑半馬，我呢，志在有運動目標姐，半馬係要有訓練先得既。
依個目標其實好重要，一報左名之後，你就唔可能比自己太懶，一定要去練下跑至得。
我呢，嗯，會在天氣再湅ｄ先開始路跑，所以，真係好佩服肥龍哥哥竟然在之前酷熱警告既日子都一樣跑足十公里！！！依個就係意志啦，我自問無咁強意志，所以一定要參加比賽先可以「督」自己跑囉！
又好似On Dog哥哥話齋，年年跑都有唔同既原因，不過跑完之後都係會好開心！
跑啦，跑啦！
12 則留言:
這是一劑十分有效的抗抑鬱藥！
有所不知．．．我既意志呢，好大部份來自望住個肥腩既一刻出現囉！哈哈！
最緊要跑得開心！而成績又係一種動力．
跑呀，跑呀！
第五年跑十公里lu.....
好簡單 , 靜靜雞報左個 半馬 比自己 , 咁咪有籍口比自己去跑步囉。
今日天氣涼咗好多，可以跑呀．^^
On Dog哥哥：係啦，真係應該揾多ｄ人跑呀！
肥哥哥：根據可靠消息，有人其實一ｄ都唔肥喎...昨日係重陽就當然係登高啦，但係天氣真係涼左，我如果感冒清晒就今個禮拜開跑啦！
Bac哥哥：半馬這個嘛...如果我可以在１個鍾頭之內跑完十公里，先至考慮吓啦，２２公里真係好多呀！
哦，原來感冒未清，祝你早日康復呀！
咁或者講成瘦人冇份，不過肥腩就冇走雞啦．．．哈哈！
腩好! 腩好!
根據可靠消息，有人其實一臉老實喎...
仲話同小弟一樣...
（點會呢? 小弟只係一臉笨實，一Ｄ都唔老seven...）
喂! 食蟹未?
肥龍哥哥：我呢，昨日開跑，只係好慢地跑左２ｋ，今日落樓梯有ｄ痛...太耐無跑啦！
On Dog哥哥：好野，食蟹食蟹！
太耐無跑好慢地跑啱架啦．而且仲有差不多四個幾月，之後慢慢加上去，掂哂！
哈，應該係“三”個幾月至啱．．．
噢! 原來呢度咁多人都有玩. 我今年第一次報渣打, 膽粗粗報左半馬, 希望跑得完啦.
好野!!!維哥哥都跑...之前開始練習下,同埋,記得做warm-up同cool-down就得嫁啦。
張貼留言