2007年4月13日 星期五

快樂多角度(4) - 90/10定律

咁,管理專家、The Seven Habit of Highly Effective People既作者Stephen Covey又點睇呢?網上依排流傳佢既90/10定律:

========================================

發現了 90/10 的定律。

它將改變你的一生(最低限度,它將改變你對不同情況的反應)。

90/10 的定律是什麼?生命的 10% 是由你的際遇所組成,餘下的 90% 則由你的反應而決定。

這意味著什麼?我們無法掌握那 10% 的際遇。 我們無法阻止行程因汽車壞掉、航班誤點,甚或車子拋錨而延誤。

我們無法控制那 10% 的際遇,但餘下的 90% 則不然。你可以決定餘下的 90% 。

如何? … 憑你的反應。

你不能控制交通燈轉紅,但你能夠控制你的反應。別讓他人愚弄你,你能夠控制你的反應。

你與你的家人吃早餐,你的女兒不小心把咖啡潑倒在你的襯衫上,這是你無法控制的情況。

下一步將如何則由你的反應而定。

你開始責罵。

你狠狠地臭罵女兒一頓,令她陷於痛苦之中。然後你又把怨氣發洩在太太身上,責難她把咖啡放在桌邊。接踵而來的是一場短暫的罵戰。你生氣地上樓更換你的襯衫。

你下樓,然後發現你的女兒正哭著吃早餐並趕著回校。結果,她錯過了巴士。

你的太太趕著上班,你匆忙開車把女兒送回學校。因為你已經遲到了,你以時速四十英里在一條限速三十英里 上的道路前進。

你付了六十元道路罰款,終於抵達學校,並已遲到十五分鐘。你的女兒沒有跟你道別便已跑進學校。你回到公司,已是九時二十分了,這時你竟然發現──你忘了帶公事包。這是非常糟糕的一天,而你感到你的運氣每況越下,你開始渴望回家。

當你下班回家,你感到你與太太及女兒的關係上出現微小裂痕。

為什麼? … 一切皆由你早上的反應而起。

為何你會有如此糟糕的一天?
A)是咖啡所造成的嗎?
B)是你的女兒所造成的嗎?
C)是警察所造成的嗎?
D)是你所造成的嗎?

答案是D。

你無法控制女兒打翻咖啡一事,但你在緊接那五秒內的反應讓霉運開始發生。

以下是你改寫命運的結局。

咖啡翻倒在你身上,你的女兒幾乎要哭了,但你溫柔地說:「親愛的,這並不算什麼,但你下次得小心一點了。」

你拿起毛巾便上樓去。在你更衣完畢並拿起你的公事包後,你下樓去,望出窗外,你看到你的孩子正在上巴士。她回頭並向你揮手。

你早了五分鐘回到公司,並親切地與你的同事打招呼。你的上司亦對你新的一天給予正面的評價。

看到兩者的分別嗎?

兩個不同的情景,由同一個開首所引起。但結局完全兩樣。

為什麼?皆因你的反應而起。

你或許真的無法掌控 10% 的際遇,但剩下的 90% 則可以由你的反應而定。

以下有一些實踐 90/10 定律的方法。如有人說起你的是非,千萬別當一塊「海綿」,讓那些攻擊性的說話像水在玻璃上一般的流走。別讓那些負面評價纏繞著你!

適當的回應能夠使你的生活免受破壞。一個錯誤的反應能夠使你失去朋友、生氣、甚或被壓力壓得喘不過氣來。

如果車子拋錨了,你會如何感想?你會生氣嗎?你會否猛擊車上的鐵鍊?我的一個朋友就把鐵鍊弄下來!你會怒罵嗎?你的血壓是否急速上升?你會否嘗試去踫擊他們?

誰會在意你上班遲到了十秒?為何讓車子破壞你的駕駛過程?

記著 90/10 的定律,別在意。

你被通知說你被辭退了。

你為何失眠與憤怒 ? 事情總是發生了。不如用你憂心的力量及時間去找尋新工作吧!

航班延誤了,而它將影響你一整天的行程。為何將你的怒氣發洩在服務員的身上?她並不能阻止事情發生。

如利用你的時間學習,或認識旁邊的乘客。不要憤怒,它將令你的一天變的更糟。

現在,你懂得了 90/10 的定律。實踐它,你將會發現它的驚人效果。嘗試實行它,你將不會有任何損失。 90/10 的定律非常神奇,而只有很少數的人懂得運用它。

結果呢?

超過百萬人沈溺在痛苦、嘗試、問題與心傷之中。我們必須理解並實踐 90/10 的定律。

願與各位共勉!

============================================

Convey既睇法,係咪出奇地同Ajahn Brahm好相似呢?雖然我地每個人生出來既樣貎、身材、天資都吾同,我地亦都無得揀揾李家誠做自己既老豆,但係,我地真係咁無助、咁可憐既受害者咩?

雖然每個人既起跑點吾同,但係真正重要既係你揀跑邊條跑道,同埋點樣跑.

我地今日既情況,係以前一連串選擇所積累落來既;同樣道理,明日我地會變成點,就睇你今日既選擇.

又,雖然我地控制吾到自己會遇到乜野人,更加控制吾到你鍾意既人會吾會鍾會返你.

但係,我地可以選擇繼續付出、信任,又或者選擇退縮、抗拒,甚至不再想信愛情,從此遊戲人間.條路要點行,睇你自己點揀.

依個世界,永遠係種瓜得瓜,種豆得豆既.咁你無理由落左西瓜既種籽但係想要佢生出青豆嫁.

好啦,到你終於都識得放青豆種籽落去,又吾淋水,又吾除蟲,咁都種得出豆,就真係無天理啦!

如果我地吾好好地對屋企人,又點可以期望有個幸福美滿既家庭?

如果我地吾花時間精神努力工作,又點可以期望自己事業有成?

如果我地吾真心對待自己朋友,又點可以期望友誼永固?

吾好怨天怨地怨際遇怨命運怨童年陰影啦!

吾好再賴人啦,我地既人生要自己負責.


P.S., 多謝各位關心,我今個禮拜返到來,公司發生左連串爆血事件,真係要我集中精神處理.
而家我變身消防員,全力救火中...

10 則留言:

C.D 提到...

救火英雌,萬事小心呀!

D.

阿爾伯特 提到...

終於返來呢.....歡迎 ^_^

匿名 提到...

Samsara姐姐,

Welcome back!

要真係可以控制到果90%,有時都真係好困難架...不過如果將條formula用番中國人既「不如意事十常八九」,咁可能會容易一d接受果「八九」做成既負面情緒...

通常...依段時間出事,十居其九都係人事大變動...姐姐,萬事小心...

學 霖 山 莊 提到...

十萬火急... 十個救火嘅少年...
假期後都係高危期...

歸來的Samsara... Yeah!

Samsara 提到...

你地點解咁醒知道我公司有人事變動既?星期二一返工,在lunch time個Shipping Manager比人炒左,由個GM做埋佢果份.

應該係獨立事件,因為佢平日吾做野,所以佢既離去都對公司運作冇乜影響,希望佢一切ok啦.

我之所以咁忙,係因為有一連串既天災人禍,包括有一組新product個setup出事,應該4/2 launch既,但依家都未落到單.有妹妹仔做吾切單比人丙.Account個肥佬hold我某大客既account,結果生死時速,差d出吾切貨,要賠錢兼比人剷上天花板...

希望要爆既都已經爆曬出來.

Samsara 提到...

AK哥哥:

人力真係控制吾到多好野,但都控制到好多野.

比如,我有個朋友創業兩次都失敗,但係無輸到信心,佢吸收經驗,第三次成功,仲係好成功果隻.而家我見到佢係電視賣既廣告,都覺得佢真係一個自己雙手創造自己命運既人.

又,你鍾意既人吾鍾意你,你吾鍾意既人又鐘意你,到兩個人都鍾意對方,又因為人生目標,價值觀不同而分開...

好似好無奈,但係,我以前都講過,其實係有得揀既.

只係,揀完之後要承擔後果,同埋,吾好花太多時間去諗以前既野lu,多d向前望啦.

負面情緒,真係可以消除既,全部睇你既態度.我依排真係好攰呢,等我慢慢組織寫返出來.

AK哥哥,我真係好羡慕你既一流文筆呢.我自己就永遠有d野吾識點講,講左出來人地又誤會左第樣喎.

真難表達.

渣估 提到...

Samsara:

"90/10 定律"真係好駛好用! 正!

上星期五(前晚)赴朋友約, 要去觀塘apm 食飯, 我趕時間於是在佐敦「飛的」, 點知遇著塞車, 我唯有打電話叫朋友食先, 唔好等我。

小弟當時沒有焦急, 因為學 Covey 話齋, 焦急都冇乜用, 我繼續在的士內, 悠然望街景燈光。

朋友們沒有因我遲到而掃興, 我到步即起筷, 盡掃一碗朋友預留的各道菜式...

Samsara 提到...

用簡單易明既日常例子來解釋抽象複雜既道理,真係渣老闆既強項.

渣老闆,講得好好呢!

匿名 提到...

Samsara姐姐, 好開心又見妳執筆了!重要禪修完! 真期待在妳個Blog可領會學多D野!

對"90/10"小9會咁諗:
有10%既野非大家可控制故然係岩, 但既然都話不可控制, 咁話之佢90/10又好, 99/1又好, 51/49又好(subsidiary同阿蘇既分別), 都冇乜所謂! 只管care好自己就夠矣!

"我們無法掌握那10%的際遇", 好容易變成了一個逃避理由, 一個自我欺騙的起點。際遇是否真的不由自己控制? 至少它與自己的所作所為有莫大關連, 業力中萭物皆為其中。

所以小9覺得冇所謂能掌握不能掌握, 只有你點去做, 點affect呢個世界, 有乜野effect。

一有10%際遇之念, 就怕變成埋怨黑暗…

小9又up多左, 見諒見諒!

Samsara 提到...

On Dog哥哥,

多謝你既意見.

>>咁話之佢90/10又好, 99/1又好
>>冇所謂能掌握不能掌握, 只有你點去做, 點affect呢個世界, 有乜野effect。

講得真係好.吾係有人連果10%都要投訓掛.

我有d諗法一直未成形,好難組織,不過,一定會寫出來.

寫blog真係幫助我理清頭緒.