2007年3月29日 星期四

快樂多角度(3) - 我的路,由我創造!

咁,宗教領袖又點睇快樂呢?

我上個禮拜有幸聽左南傳法師阿羌Brahm既講座,獲益良多.

我們應該為自己既生命負責,而吾係去怪其他人.人生好似整蛋糕咁,有人會分到好好既材料,有人分到d好差既.但係個蛋糕整得好吾好,材料只佔兩成,其他八成就係靠你既手勢啦.所以,究竟係焗出一個香噴噴既蛋糕,定係一團麵糊,真係好睇你自己點樣去經營你既人生.

而快樂呢,其實係一種精神能量(Mental Energy).我地既情緒就好似海浪一樣,永遠有高有低,而且係一種比較,因為有吾開心,比較之下才有開心.而我地應該要做既,係將個開心指數平均值拉高;令而家既最吾開心,都開心過以前既最開心.

咁點先可以提高開心指數呢?法師話有兩個方法,一個係認知治療(Cognitive Theraphy),一個係靜坐.靜坐可以令心平靜下來,等能量可以流通.

大師一言驚醒夢中人,我又駛乜一日到黑係度提醒自己吾可以做乜,吾可以做物呢?我只要開心咪得囉,你幾時見過一個開開心心係度笑既人,會發到脾氣嫁?

等我仲印左月曆出來仲買埋印仔添,而家吾駛用啦,我只要同自己講:我決定左要開心嫁啦!!!咁未得囉.

法師除左有point又幽默之外,仲好勁爆.佢話佢個Marketing Slogan of Meditation係:

"Meditation is better than...Sex.
The Ecstasy of Meditation is better than...Orgasm"

最攞命係佢跟住果句:"I have been a monk for 30 years, but I was not born to be one."

英國人,真係吾同d.劍橋理論物理畢業,十六歲成為佛教徒,廿三歲出家.

我一定會睇法師本Opening the Door of Your Heart.

19 則留言:

火鶴 提到...

sara,
係「...(開心)嫁啦!!!」,
抑或係「...(開心嫁)啦!!!」?

cheryl 提到...

CBT真係有料到o架,我讀counseling時都學過,其中有個方法就係將一d你覺得好避忌嘅嘢寫出嚟,比如 "I wish ___ would die today!" (一個人care嘅人啦)。咁久而久之就知道寫出嚟係冇consequence,相反control就係自己度....

不過小心D有時個人HIGH得大緊要跌落嚟好傷。GET HIGH同時要做一D防衛性嘅PRECAUTIONS比自己墊住。

EMAIL上梗係唔客氣D。算啦當冇睇過啦... 有時我都真係當冇睇到去PRESERVE自己個HIGH MOOD。好難得O架嘛有時,你又點知DEPRESSION幾時又嚟... 唔好嬲唔好嬲。

相喎... BLOGGER個BLOG已去之後就冇LU。因為呢,BLOGGER好衰,成日都將人地個樣整到唔似樣,唔係好似WP咁清。之後我都只係用張THE LAST DINNER嘅玩嘢相。好,又得我放番出嚟先。

你讀啦讀啦。PSYCH真係洗練人心,不過又真係冇咩用。我都打算第時讀COUPLES THERAPY囉,呢家嘢越來越POPULAR啫!

Samsara 提到...

火大俠:

咁都比你捉到.嫁,都好嫁,隨緣啦.


Chery1:

哇,寫d避忌野真係未試過喎,會吾會反效果嫁?

我係想成條curve拉高呀,等我最低既depression都高過以前既最high呀,係咪好大既口氣呢.

個email吾係問題,而係我老闆果種吾appreciate我地既努力,又吾理解其實係個客無理lo.

無得睇你張正相添.

seikomatic 提到...

Sam 師妹,

佛教就系因應唔同人既根器有佢既宏揚方法,C9需要一位裝嚴法師,讀書人好似你咁需要位講英文既....C9教佢心誠守戒,讀書人講下內省;緣;空;空空...

觀音千萬化身,道引眾生佛緣。

cheryl 提到...

有得拉curve o架咩乜??? 不過可能係我講緊嘅墊底啦... 不過話唔埋o架真係。我都試過好地地俾人伸一腳咁就沉咗成年去,想救都救唔到。都係唯有寄望個底打厚d... 因為好多時d嘢係眼前嘅就係眼前,鬥唔嚟。

我有相喇,不過唔係last dinner囉,呢張正d

老闆曉體諒就唔係老闆啦... 你俾咗d錢就會覺得果個人係要受吓氣。我都試過含住泡眼淚咁。最憎就係佢咩都唔洗自己動手,人話咩都say yes,之後煩果個又係我。

Samsara 提到...

大師:

Ajahn Brahm都真係幾易明嫁,又,我一直都無掂"空"而個concept.又吾係乜,又吾係物,咁既係點?


Cheryl:

新相好得,果然夠man.

我諗拉到嫁,有d人根本就開心過其他人嫁,咁除左天生出來既開心人,應該後天努力都可以成條curve拉高.

我其實好少講工作,老闆,管理依d野,提吾起興趣,都吾重要.

理鬼得佢.

seikomatic 提到...

Sam 師妹,

無我,無常故萬物性空(形容詞)
無我,去執即可達空境(名詞)
執空境而為有執,去之曰空空(動詞、名詞)

On Dog 提到...

Samsara姐姐: "快樂......我的路,由我創造!" 多好!

多謝推介!

Samsara 提到...

大師:

空=無我+無常?你講既野都好易明喎.

多謝你費心指教.


On Dog哥哥:

歡迎光臨,路係由自己創造,共勉之!

Albert 提到...

Samsara小姐:

補充少少....

"空"亦指萬物 1)"相依"而生; 或無法"獨立存在"。亦正因要不斷依靠外來因素,一切都存在2)"變化"。

因此,"變幻"亦是"空性"一部份

用英文說,即是:
"Emptiness" = "Inter-dependence" & "Impermanence"

ak 提到...

Samsara姐姐,

自我催眠...開心嫁...開心嫁...終於都會有開心嫁既一日既...:)

怒火眼睛 提到...

sam: 其實我地成日諗, 點先快樂, 點先真正快樂, 係咪我地預設左自己唔快樂, 唔係真快樂呢. 即係, 我地唔會朝朝起身對鏡講:今日我要生存生存生存!!!
放低呢樣野, 過自己既日子,做要做想做既事, 當快樂係norm, 咁, 係咪簡單d呢. 反正人人都話, 簡簡單單既生活最美好.

渣估 提到...

怒火講得幾有道理喎...

C.D 提到...

miss u ar,Samsara ^^

D.

C.M. 提到...

呵呵,香水姐姐應該好快番黎喇。

學霖山莊 提到...

係呢, 應該復活好耐 la~bor...
正能量小姐...

米生 提到...

Samsara姐姐,好有啟發性呢~

個人認為,快樂與否,其實真係純粹取決於自己既睇法/思哲方法。世事我地無能力控制,但起碼,自己點諗仲可以控制得到。

不過,我覺得每個人天生都有自己一套追求快樂既公式,所謂天生,即係後天無得更改。

之所以係咁,我地要認命,要順住自己本性去開墾適合自己既快樂...

P.S. 我好鐘意你同埋七十樓呢兩個Blog!

七十樓危危下望 提到...

師姐:
返黎未呀
掛住你呀

不敗的魔術師 提到...

係咪嫁左人,而家honeymoon緊?