作詞：邁克/陳少琪/進念二十面體
作曲：劉以達
看遍了冷冷清風吹飄雪
漸厚鞋踏破路濕透
再看遍遠遠青山吹飛絮
弱柳曾獨醉病消瘦
聽遍那渺渺世間輕飄送
樂韻人獨舞亂衣鬢
一心把思緒拋卻似虛如真
深院內舊夢復浮沉
一心把生關死劫與酒同飲
焉知那笑晏藏淚印
絲絲點點計算
偏偏相差太遠兜兜轉轉
化作段段塵緣
紛紛擾擾作嫁
春宵戀戀變卦
真真假假
悉悲歡恩怨原是詐
(花色香皆看化)
"Tumhehi kiccām atappam akkhataro Tathagahata"...The work should be done by you, Tathagahata (only) shows the way.
15 則留言:
你係咪明哥 fan 屎呀？定只係鐘意呢首歌／詞呢？我覺得明哥聲線係好磁性，但佢個格對我黎遘實在太妖喇。。。
Fans啦緊係,當年石頭記一出,驚為天人...
「流冰滾族」都好正
上面係魔術師...
明哥!
如果我話我愛明哥, 咁, 會唔會有人懷疑我嘅性傾向架?
我都係鐘意阿達多D. 大夫.. 我係咪有咗jak...
數怪哥哥,當年明哥仲要係留長頭髮,用咪stand唱歌時仲要好風騷咁撥頭髮,d頭髮仲要好靚,何解一個男人可以用美麗來形容,真係毋天理.
火大俠,又係依個反應.點解話鍾意明哥就比人懷疑性傾向,鍾意哥哥又冇問題呢?哥哥係另一個美麗的男人.
吾知點解有達達係度就會好睇d,雖然成埸佢不過係吊住個結他撥兩撥...你依d劇情又咁記得,真係笑死我呀部戲.
好啦,就講性傾向.
黃耀明以前係基督徒, 自從睇左法斯賓達等電影後開始迷惘, 經歷了一場的信仰危機。
以上應該是在明報周刊讀過, 作者好似係何秀萍(定係周耀輝?)...
Samsara姐，
當年火爆如AK者，比較偏愛Beyond...之後大學因為當時女友迷上達明，所以AK聽返轉頭先至重新認識達明...偏門地最鐘意「皇后大盜」...
明哥仲要曾經係基督徒,咁就仲大件事,除左被歧視,仲要驚地獄火.
法斯賓達係導演?電影d野我吾熟.
AK哥哥,
我有個friend係明哥死硬fans,佢男友(生化博士,而家佢老公)都唯有鍾意埋一份.
達明未開演唱會之前,未有一塲叱吒既,我個friend恨睇到發燒,生化博士結果天價bid左兩張超前既飛同佢睇.仲要臨開塲打比我比我聽吓有幾嘈添,你睇吓依d人對我幾好呀.
我同你倒轉,果時最鍾意達明,到家駒過左身,再聽返d歌睇返歌詞,先發現原來依對band都真係伴我成長,都諗如果家駒如果仲在生,Beyond會點.
sara, 我一直都唔係Beyond fans, 不過我都有相同感受, 依家聽番果隻「遙望黄家駒不死音樂精神」紀念碟, 都會聽到眼濕濕.
當時, 其實我係鐘意聽 Raidas 多D.
Raidas...仲有太極呢.
其實我出來做野之後已經好少聽歌,而家聽返d舊歌,真係懷舊多d.
而Beyond呢,真係有一種失去左先知道冇左d乜既感覺.
我反而Beyond三子近幾年既演唱會都有去睇.依家呢,連Beyond都解散埋,真係緣聚緣散,變幻才是永恆.
radias:別人的歌,傾心,傳說,吸煙的女人
太極:欠,迷途,紅色跑車,全人類高歌,每一句說話,留住我吧
特別介紹: fundamental的流亡舞影
並祝香水妹妹明天成功達標
勁! 竟然仲有人記得 Fundamental!!
流亡舞影真係吾講吾記得，太極仲有Crystal.
我仲諗起Blue Jeans果首住家男人，有林掁強到肉歌詞，憶蓮＋Blue Jeans仲產生好爆炸既化學作用，勁high.
都係數怪哥哥心水清，都達標嫁，又無抽筋，又無超時比人開路時掃上車．
張貼留言