2007年3月26日 星期一

快樂多角度(0) - 我的生命起與跌

如果要你將你自懂事以來的快樂指數畫一個圖出來,到底會係點嫁呢?你既快樂指數會係大起大落好似過山車,還是平靜無波如一湖面?會多數在開開心心既正數,還是成日俳佪在憂鬱灰暗既負數?

有一個好有趣既心理實驗,揾左一班人來寫佢地既依世人最痛苦大鑊既挫折,每一日寫十五分鍾,連續寫四日;而另一班人做Control Group,就只係寫佢地既一日既工作流程.

在兩班人寫完之後,佢地就會跟進佢地既健康情況一年.結果發現,寫挫折既果班人,比起寫工作流程班人,病得少d,又少d入醫院.

只係寫自己既痛苦挫折總共一個鍾,點解可以令人健康左咁神奇既呢?

再仔細分析結果,可以發現,其中得益最大既係果d在寫自己痛苦挫折中,能夠揾到苦難既意義,能夠為發生在佢身上既災難賦與新的解釋,得到更深一層領會既人.在寫出經歷既過程之中,最重要吾係發洩情緒,而係佢地發現原來可以用其他角來看待自己生命中既起與跌,可以重新建構自己既人生故事(Life story).

人點睇自己其實好依靠自己既人生故事既,人生故事幫助自己了解自己從何而來,亦都直接影響對自己既評價同判斷.如果一個人既人生故事好正面,佢會自信開心,活得積極愉快,咁身體就自然健康;相反一個人生故事好灰暗既人,就會自卑失落,活得憂鬱沮喪,咁吾病就奇啦.

而正如歷史可以重新演繹,人生故事亦可以重新編排.

如果只係花一個鍾可以有咁大既效果,又何妨一試?

9 則留言:

Albert 提到...

「By all means, marry. If you get a good wife, you'll become happy; if you get a bad one, you'll become a philosopher.」 ---> 正如蘇格拉底所說

逆境求存的人,如果看破了,其潛力真係不能量度 ^_^

ak 提到...

Samsara姐姐,

鬥獸棋既原意,其實都係一個記錄...如果唔係,AK個Blog就唔係叫記事簿啦(雖然入面真真假假,假假真真)...

無論係點都好,都係自己揀過,走過既...

Gideon 提到...

其實我唔係好信呢 D 心理實驗架。不過呢個 treatment 同 70/f 之前講既文字治療好似。我覺得單靠寫未必有用,點寫就好緊要。就算一個人既人生故事好悲,但只要佢能夠寫得返出黎,冇刻意咁改編去營做一個佢覺得“好”既故事,咁佢就會慢慢咁接受倒自己,咁自信就能夠建立。有自信,睇野既態度先會轉好,咁先可以重負面既人生經歷裏面寫得出正面既人生故事。

Samsara 提到...

Albert:係呀,點解我地需要災難?為左打破慣性,超越自己.

AK:你總有幾分真既,學你話,要戴同一個面具先consistant.咁,好睇就得啦.

同埋,你覺吾覺有時實際發生既野,真係仲老土戲劇化過d小說同連續劇?我有d朋友既故事,真係估佢吾到.

Gideon:岩呀,真係吾好信曬d心理實驗,佢地成日都係今日的我打倒昨日的我.

不過,依個寫故仔既實驗第一要求係真實,佢係要人面對自己,吾係要再作個故仔來呃自己.同埋,透過寫作,係可以令自己更有組織,更全面地看待往事,從中甚至可能發現到新既意義---又係connecting dots.當時覺得係災難既野,而家發展落來,分分鍾原來係祝福.

不過我吾係好讚成用文字來發洩情緒,要發洩情緒應該揾朋友,一個面對面,有血有肉既人先可以比到emotional support你.

文字係用來理清頭緒既.

seikomatic 提到...

Sam 師妹,

佛說苦乃由於人對無常無我的無知,所以對所好所愛有執,一旦失去便感到痛苦。

失去金錢物質,感情榮耀,自我認同。有什麼是恆常,有執苦即不可免。

Albert 提到...

"Seikomatic"小姐:

果然對佛家哲理有不淺體驗!

有緣的話一定向其請教!!

"Ignorance is the Source of Suffering, and one may easily ignore the truth of Emptiness"......

Samsara 提到...

大師,

我慧根淺,人懶散,去執既路仲好長.
不過,其實已經有好大既進展,我會努力,加油!

Albert哥哥,
....點解我覺得大師係師兄呢?佢d佬味咁恭鼻...

Albert 提到...

"Seikomatic"小姐果然深不可測,哈哈!!

其實"Samsara"小姐已經很不錯。現世間,恐怕不是很多人會對"修心哲理"有興趣,共勉之^_^

Samsara 提到...

好呀Albert哥哥,大家都要努力呀...

要有信心,同埋開心!