2007年3月12日 星期一

《血咒》

作為一個小說迷,科幻小說係我其中最鍾意既一類小說.

我睇既多數係d好正統既科幻小說,比如地心遊記,Asimov既基地系列,張系國既星雲組曲...都係一d本身係科學家又或者有返咁上下科學訓練既作家,對科技會對未來人類社會帶來既影響既預言.

至於本地科幻小說喬楚,無人不識、無人不曉既倪匡先生呢,我就只睇過一本,書名叫《血咒》.

個內容係講男主角係每年既某一日,大腿就會好神秘地出現一個傷口,不停地流血流足廿四小時,然後一過凌晨十二點,個傷口又會吾見左,亦吾再流血.

咁男主角對依個問題極度困擾,誓死一定要查出原因,醫好依個病.經過千辛萬苦,死去活來,再加上男主角既英明神武,刀槍不入,一個打十個,終於比佢查到原來係因為佢死鬼老豆當年周圍搞搞陣,有一個比佢始亂終棄既巫女向佢老豆落左血咒,每年落咒果日都會病發,流血一天.

而且個血咒仲有遺傳性,所以男主角一出世就已經中左咒,而且永遠無得解咒.咁男主角就只好無奈地接受現實,淒涼地離開...

真係睇到我媽媽聲.依個果然係男人寫比男人睇既故仔,不過一年流一次血,仲要吾痛,仲要咁準時,仲要只係一日咁大把.咁都要嘈,仲要寫個咁鬼長既故仔!!!

咁,我地d女人點算呀!我地全部都死得啦!

妖,男人學乜人寫M呀,你都吾知係乜!

19 則留言:

洛克 提到...

哈哈, 我鍾意你這篇, 姐姐

Blogger70th Floor 提到...

下次我地女子們寫夢X
仲好!

CK 提到...

errr.....

我都明,生理上,女人係慘d既…

tungpo 提到...

嘻嘻!

又,寫夢遺?怕且描繪不到當中的暢快喎。

Blogger70th Floor 提到...

tp 先生:
呢個 topic 你成日寫架
抽搐的暢快丫嘛

嘿!
偷師
我最叻!

tungpo 提到...

既稱得上「夢遺」,則除了遺外,夢亦十分重要。

匿名 提到...

Samsara姐,

倪生既作品,以早期既衛思理系列比較好...其中AK比較喜歡無名髮...講地球人唔係生於地球,而係從另一個星球被放逐既罪犯...係放逐以初,佢地沿自頭髮既超能力遭到壓制...曾經有四個外星使者來過地球視察,分別係孔子仲尼,穆罕默德,耶蘇基督,同埋釋咖牟尼...

後期果d寫到偏哂...仲越黎越色情...

依排咁多人寫M,AK忽然記起日本著名偵探小說「M的悲劇」...

Arael 提到...

倪匡當然是不能跟asimov比了。
不過也不能說一定不如張系國。因為張才寫了那么幾本,不是公平比較。倪匡也有些很有意思的,如 “尋夢”,“迷藏”。

‘夢遺’是小學教科書小題大做,以平衡一下女生心理。

Samsara 提到...

洛克老闆:都知你實鍾意.

七十&通寶:請自便.

CK:哦.

AK哥哥:孔子仲尼,穆罕默德,耶蘇基督,同埋釋咖牟尼...倪生d想像力,真係...

M,我諗起M字頭.

Arael:倪生我只睇過一本,只可以講---吾會再睇.

張系國本星雲祖曲其中一篇"銅像城",誠意推薦.

Blogger70th Floor 提到...

tp 先生:
你係咪挑戰我呀!!!!!!!!!!!
唔好以為歌德同你......
我就會......
嘿!!!!!


向你到偷到既師,除左夢X,仲有「貨銀兩訖」
雖則
呢樣
同夢X一樣
我都應該永遠無辦法親身體會箇中樂趣

XDDDDDDDDDDDDDDDDDDDDDDD

渣估 提到...

哈哈! 阿Sam:

呢篇好正!!

呢排仲好興講 「M 型社會」添呀!

tungpo 提到...

嘻,豈敢。

又,夢遺呢,女性可能真的體會不到。但另一類,都可以的。當然,有些女士認為講錢太俗,所以用另一些東西去換吧,例如真情假意呀,等。

匿名 提到...

諗落。M亦可解作Mast.....ion.

咁就人人有份。

火鶴 提到...

sara & 70,
點都要好肉麻咁講句:
我愛死你哋兩個.

Arael 提到...

星雲中最喜歡“青春泉”,大概是因為我怕死。

Samsara 提到...

哈哈,原來你有睇.

青春泉很可怕呢,永遠不死,但又保留生生世世既記憶,真係好沈重.

我一直很喜歡史詩式巨著,所以銅像城真係開正我果瓣.可惜張系國既銅像城續集無左果種氣勢,又鬼咁長氣.

祺王都好睇,睇到我心跳加速,手心出汗.

而且,星雲組曲仲有d特別回憶,我中一時班主任兼中文老師介紹我用依本書做讀書報告,攞左全級第一呢.

我果時都吾知乜野係星雲,個讀書報告既封面畫左星星,雲同音符呢(我當時只有十三歲).

之後,班主任不被續約,要走.佢走之前送左本星雲組曲比我.

而家本書同個讀書報告都吾見左.

我上個禮拜買返一本星雲組曲,嗯,個封面還是一模一樣.

Samsara 提到...

Oh, closing:

各位男士,麻煩只寫夢x,咪再寫M, tks!

Arael 提到...

說史詩,Asimov的Foundation系列還真的是大作。。
(雖然是英文書,不過,記得是中文老師介紹的...)

說起來,很少女生看科幻,
我有點懷疑我有沒有認識過。
可能知道譚劍(某blogger)也是寫科幻的吧?
上次回港還買了兩本 ”倪匡科幻獎作品集“ ,不過也是一些短篇
(不是倪匡寫的,他是評審。)

青春泉 說出了永生有可能是很恐怖的。
當人生活不如意的時候,要不就茍且偷生,要不就自殺。
目前人大部分人不會自殺,因為最多頁只是茍且幾十年吧。
可是當有永生的時候,一個人茍且那幾百年會很慘,最終還是會想死掉算了。

Samsara 提到...

講起我都吾識鍾意SF既女仔...係,我真係幾男人下.

譚劍個blog有個小說書單,成四十本書我先睇過幾本,不過本本都係好書.所以我對依個書單好有信心,已經揀左幾本會睇.

太多書,太少時間同精神.