2007年3月6日 星期二

We Will Rock You

三月六日:好慘地,我識既Blog界人,只有兩個有去渣打馬拉松;

On Dog
Justin

下年多d人一齊玩啦!

============================================
三月四日,上午十一時五十九分

今日渣打馬拉松──十公里,時間打破我既記錄,1小時47分,有史以來最慢...因為,同阿媽一齊跑.

阿媽見我之前兩年好似幾好玩,自己又想減肥,所以比我遊說兩句,就參加左.

佢話佢有練跑喎,不過我見佢似行多d.到左昨晚,佢開始緊張又興奮,問左我一百個問題───駛吾駛帶水,去洗手間點算,手袋放在邊,著一對定兩對襪,幾點起身,我穿在佢鞋上面果舊黑色野係乜...

今朝佢三點鍾就起身,五點鍾抄醒我,仲要催命咁,搞到我個早餐真係倒落去,仲連頭髮都吾比時間我扎,唯有攞住頭繩,一邊行一邊扎.結果,六點三已經到尖沙咀,我地係跑七點一嫁大人.

依個十公里,咪就係急步行囉.今次真係好多好多人,而且因為七點一係十公里中最遲既一塲,好多報左五點鍾既都來跑依塲,依塲明明係女子十公里,但係有鬼死咁多男人喎.真係成個旺角咁,想跑都跑吾郁,比人踩,又比人撞.d人仲要身水身汗,真係Yuck.

阿媽雖然行路多,但係在落斜既時候又會忽然狂跑兩步.喂,咁多人,好難追嫁,真係難服侍.去到會展就係最煩既位,要不停地兜來兜去,行極都吾到.

阿媽已經無力啦,到最後見到終點,聽到“We will rock you”先再發最後一點力,跑住過終點...

Yo,阿媽其實你已經好惦嫁啦,我睇暈全塲真係最老係你呀.多數好似你咁既年紀都係來打氣同映相炸!

嗱,最多吾嫌你煩,下年一齊再跑啦.

15 則留言:

tungpo 提到...

咦,跑完咁快可以出文,果真好氣好力喎!又,以一般人步行速度每小時約四至五公里計,你的時間的確又慢了多少。不過,開心就得啦!

阿爾伯特 提到...

恭喜Wor!

最緊要係全家開心 ^.^

話時話,閣下的母親大人都好犀利。比我老豆實唔會玩呢D野......嘿嘿

Gideon 提到...

你真係好鬼死健康,仲同屋企人關係咁好添。我年年都想跑,但就係得個想字。

渣估 提到...

好佩服你地呢班人!!!

李杏嵐 提到...
作者已經移除這則留言。
CK 提到...

勁呀!

如果下年有兩公里既馬拉松,我實參加。

唉,加陣自己d體能,真係唔見得人。

學 霖 山 莊 提到...

伯母万歲... 好勁呀...

Samsara 提到...

通寶:
你都識話我依個速度係似行多d,緊係有氣力啦.係好開心嫁,下年你都玩啦.

Albert:
係呀,如果我到我阿媽既年紀都咁健康同接受新事物就好lo.

Gideon:
Well,雖然我好錫阿媽,但係都成日激佢...

渣老闆:
跑步機時速10km x 喪跑1小時 = 10公里

喵妃:
我跑第三年姐,最先係因為我有個好sporty,差吾多所有馬拉松,半馬,15K都參加既朋友遊說左我地玩十公里幾年,我地最後柴娃娃一齊參加先開始跑.

你都得嫁,咪當急步行街lo.而且大會比夠2小時你跑10公里,如果過時都有車來載走你.我地第一年跑既時候都吾知自己得吾得,都係諗吾得咪坐車lo.

CK哥哥:
嗱,你同Stephy一齊參加十公里,跟住當兩個人快步行二人三足,平時拍拖就玩鬥行得快,好新鮮好玩嫁.

Samsara 提到...

學霖哥哥,你平時過慣槍林彈雨既生活,體能一定好惦,不如下年去跑全馬呀.

匿名 提到...

Samsara姐姐,

香港既馬拉松...以咁既天氣,咁既濕度,咁既空氣質素同埋咁既路線,基本上可以殺得死人...都好佩服所有有勇氣參加既跑手囉...

Samsara 提到...

吾係掛,有成四萬三千人參加渣打馬拉松嫁喎,Blog界咁大,真係無人有去?

學 霖 山 莊 提到...

識避刀槍唔代表識長跑啊, 那6,000人是明證... 況且, 我都幾"困身"...

唔通真學洪七(北丐, 張學友飾)話事齋: 「帶埋老婆出來闖蕩江湖咩?」
「佢0至100成半句鐘啊...」

C.M. 提到...

香水姐姐:

On-dog兄都有去馬拉松。

祝你同伯母青春常駐!

匿名 提到...

hehehehe~~~

冇錯呀。以為係城中盛事,都係得小貓幾隻。渣打既推廣部大概會好失望。。。

你簡直係女中豪傑!!!!

匿名 提到...

Samsara 姐: 伯母好勁呀!

真希望可以多d blog 友一斉跑!

只有我們和Justin, 太少了吧!