2007年3月28日 星期三

安全感

朋友W話佢凡事都作最壞打算,永遠有back-up plan.返每一份工時都會為如果有一朝一日間公司倒閉,又或者炒左佢而作好心理準備---就算老闆對佢好好,就算間公司好賺錢.佢仲賣曬各式保險,會蓄好多錢先退休,佢話咁就帶比佢安全感.

朋友C雖然外表自信豪爽,相識滿天下,但卻說如果佢見到有兩個人在飯局中交頭接耳,大聲講細聲笑,佢就覺得佢地係笑緊佢.

朋友H自大學畢業後仍不停進修,攞多二個Degree,一個MBA.佢轉左兩次行,寧願由低做起.永遠揾緊最大需求,最不能被取代既行業.

我呢,自畢業後大部份工都係manufacturer,決心要做工廠妹.但係工廠不斷北移,我又不肯返大陸,係咪好快會比平靚正既同胞取代?

如果要講世事無常,又點止依d野咁簡單?全球暖化、北極d冰忽然溶曬、禽流感、日日都有可能爆發.

又話吾埋聽日阿儍佬金正日吾小心禁錯制,咁就核爆.

又或者科學家忽然發現有個超大彗星在一個星期後就撞向地球,時間太迫切,連Bruse Willis都救吾到我地.

又可能地球又忽然無曬d磁場,臭氧層一下子無曬,地球直接受到太陽同宇宙射線真接照射,所有動植物吾死都要生cancer,地球只剩返細菌同甲甴...


我地係咪真係太好想像力,又學似杞國之人咁,成日擔心個天會崩塌呢?

其實,係個世界吾安全,點自己個心不安呢?

8 則留言:

學 霖 山 莊 提到...

居安思危無壞嘅...
杞國之人? 老婆已經將我歸入呢類...
誠然, 不安...只係自己個心...

點解妳想得咁...通...嘅...

seikomatic 提到...

食得就食,借得就盡借,2012世界未日,唔系俺講。

學 霖 山 莊 提到...

呢期真係好多人講2012世界末日...
大師...
真知卓見啊...

阿爾伯特 提到...

可能未到2012,已經生病或意外而離世。

就算俾您估到幾時世界未日,亦不有甚麼大作用。如果係準,估來有何用? 若然有法改變,那麼此預言亦不見得那麼準!

再吹下水,"生"和"死"是一對好兄弟,僅一扇門之隔,其循還一直運作......

環保、行善積德、愛及包容,可能是人最佳的"護心法門"。

正所謂上天有"好生之德",做人還是樂觀一點吧 ^_^

匿名 提到...

真正的安全感,只能求諸己心,沒有人可以控制外物。

匿名 提到...

Samsara姐姐

「旗未動,風未搖,是人的心自己在動...」

AK都係一個缺乏安全感既人...所以好睇重Mobility...十五分鐘之內帶唔走既一切都唔屬於自己...

火鶴 提到...

2012? 關唔關選下屆特首事呀?

sara, 我就咁諗, 要嚟嘅就一定會嚟, 無得避. 人嘅意義就係在乎你依家擁有D乜, 有無好好咁珍惜. 諗得太長遠, 計劃得太長遠, 根本就毫無意義. 人怕死, 要追求永恆, 只係因為驚自己到臨終時仍然有遺憾, 唔甘心就此過一生.

如果你每朝起身時, 都會為你仍然可以喺呢個世界上享受一切美好事物而感恩, 咁, 死有乜咁可怕呀?

Samsara 提到...

各位:

我寫依篇野既時候都吾係好諗得通.

我本來係d好有安全感既人,不過,人大左,知既野多左,挫折多左之後,開始覺得個地球都幾危險,就無咁有安全感囉.

有時都會擔心d好無謂既野,又或者自己想像出一d好嚇人既野來嚇自己.

但係,依個世界不嬲都係咁,變既只係我自己.咁既係話係對依個世界既睇法,我自己可以全盤掌握啦.

其實,自己都知道d擔心係好無謂嫁,都有人好有智慧地講:改變能改變的,接受不能改變的.又,世事往往出乎意料,諗來又真係幾無謂.

所以,學大家都講,安全感全部看自己.活在當下,心安就得.

又,2000, 2001, 2012,依d預言咁無根據,又次次都錯,我又吾會驚喎.