三月六日:好慘地,我識既Blog界人,只有兩個有去渣打馬拉松;
On Dog
Justin
下年多d人一齊玩啦!
============================================
三月四日,上午十一時五十九分
今日渣打馬拉松──十公里,時間打破我既記錄，1小時47分，有史以來最慢．．．因為，同阿媽一齊跑．
阿媽見我之前兩年好似幾好玩，自己又想減肥，所以比我遊說兩句，就參加左．
佢話佢有練跑喎，不過我見佢似行多d．到左昨晚，佢開始緊張又興奮，問左我一百個問題───駛吾駛帶水，去洗手間點算，手袋放在邊，著一對定兩對襪，幾點起身，我穿在佢鞋上面果舊黑色野係乜．．．
今朝佢三點鍾就起身，五點鍾抄醒我，仲要催命咁，搞到我個早餐真係倒落去，仲連頭髮都吾比時間我扎，唯有攞住頭繩，一邊行一邊扎．結果，六點三已經到尖沙咀，我地係跑七點一嫁大人．
依個十公里，咪就係急步行囉．今次真係好多好多人，而且因為七點一係十公里中最遲既一塲，好多報左五點鍾既都來跑依塲，依塲明明係女子十公里，但係有鬼死咁多男人喎．真係成個旺角咁，想跑都跑吾郁，比人踩，又比人撞．d人仲要身水身汗，真係Yuck.
阿媽雖然行路多，但係在落斜既時候又會忽然狂跑兩步．喂，咁多人，好難追嫁，真係難服侍．去到會展就係最煩既位，要不停地兜來兜去，行極都吾到．
阿媽已經無力啦，到最後見到終點，聽到“We will rock you”先再發最後一點力，跑住過終點．．．
Yo，阿媽其實你已經好惦嫁啦，我睇暈全塲真係最老係你呀．多數好似你咁既年紀都係來打氣同映相炸！
嗱，最多吾嫌你煩，下年一齊再跑啦．
15 則留言:
咦，跑完咁快可以出文，果真好氣好力喎！又，以一般人步行速度每小時約四至五公里計，你的時間的確又慢了多少。不過，開心就得啦！
恭喜Wor!
最緊要係全家開心 ^.^
話時話，閣下的母親大人都好犀利。比我老豆實唔會玩呢D野......嘿嘿
你真係好鬼死健康，仲同屋企人關係咁好添。我年年都想跑，但就係得個想字。
好佩服你地呢班人!!!
勁呀！
如果下年有兩公里既馬拉松，我實參加。
唉，加陣自己d體能，真係唔見得人。
伯母万歲... 好勁呀...
通寶：
你都識話我依個速度係似行多d,緊係有氣力啦．係好開心嫁，下年你都玩啦．
Albert:
係呀，如果我到我阿媽既年紀都咁健康同接受新事物就好lo.
Gideon:
Well,雖然我好錫阿媽，但係都成日激佢．．．
渣老闆：
跑步機時速10km x 喪跑１小時 ＝ 10公里
喵妃：
我跑第三年姐，最先係因為我有個好sporty，差吾多所有馬拉松，半馬，15K都參加既朋友遊說左我地玩十公里幾年，我地最後柴娃娃一齊參加先開始跑．
你都得嫁，咪當急步行街lo.而且大會比夠２小時你跑１０公里，如果過時都有車來載走你．我地第一年跑既時候都吾知自己得吾得，都係諗吾得咪坐車lo.
CK哥哥：
嗱，你同Stephy一齊參加十公里，跟住當兩個人快步行二人三足，平時拍拖就玩鬥行得快，好新鮮好玩嫁．
學霖哥哥，你平時過慣槍林彈雨既生活，體能一定好惦，不如下年去跑全馬呀．
Samsara姐姐，
香港既馬拉松...以咁既天氣，咁既濕度，咁既空氣質素同埋咁既路線，基本上可以殺得死人...都好佩服所有有勇氣參加既跑手囉...
吾係掛,有成四萬三千人參加渣打馬拉松嫁喎,Blog界咁大,真係無人有去?
識避刀槍唔代表識長跑啊, 那6,000人是明證... 況且, 我都幾"困身"...
唔通真學洪七(北丐, 張學友飾)話事齋: 「帶埋老婆出來闖蕩江湖咩?」
「佢0至100成半句鐘啊...」
香水姐姐：
On-dog兄都有去馬拉松。
祝你同伯母青春常駐！
hehehehe~~~
冇錯呀。以為係城中盛事，都係得小貓幾隻。渣打既推廣部大概會好失望。。。
你簡直係女中豪傑！！！！
Samsara 姐: 伯母好勁呀!
真希望可以多d blog 友一斉跑!
只有我們和Justin, 太少了吧!
張貼留言