2007年3月22日 星期四

Crash

朋友比我睇既,之前連戲名都無聽過.

好多條線一齊發展,係講種族,更加係講多角度,又或者係人性既複雜性.好徹底地癲覆stereotype和單一化既形象.將我地由二維既平面空間,拉入三維既立體世界.

警察A,佢火爆臭脾氣,係濫用警權非禮女性既人渣.但同時又係孝順仔,仲係一個真係有事時會拾身救人既英雄.

警察B,不屑警察A惡行,自己絶無種族歧視.但剛在其他警察手上救左一個黑人,就錯手殺左另一個黑人.點解會錯手?絶對同膚色有關.佢既種族歧視其實根深柢固得自己都不察覺.正如警察A所言,佢真係吾了解自己.

警察B係偽君子到呃埋自己?

咁,誰是good cop,誰是bad cop?

又,一個成日講黑人點比白人歧視既黑人,打家劫車,無惡不作,結果幫左一班自己口中最睇吾起既chinamen.

又又,一個差d比人撞死既可憐路人,竟然又係一個人口販子.

又又又,比白人警察熗殺既黑人竟然係卧底,不過之後又在佢既車入面發現巨額現款...

又又又又,佢睇落英明神武,玩世不恭,內心卻是渴望母愛的小孩子.


最喜歡係invisible cloak既故事,好童話,不過都可以真係發生嫁.

在暖暖父愛之下,一個小女孩成功自我寮傷;一個大女孩既穎智選擇,紅色子彈救了自己爸爸.兩個故事真係完美的mirror image.


咁多角度,咪自己揀用邊個角度囉.我地只係凡夫俗子.

事情係咪好似表面咁簡單呢?人皆有父母,都係有血有肉既人,都有d佢既難處,多d咁諗,會吾會就對人自然好d呢?

12 則留言:

匿名 提到...

Samsara姐姐,

睇左Crash,就一定唔會為李安既斷背山失落金像獎而有任何可惜,依套係一級水準既作品...

片中細路女同黑人鎖匠爸爸,以及雜貨店中東老闆與女兒...好正好正...

其實應該係好多段都好正...車禍中兩個仇人之間既張力...太多太多...

講唔哂...AK依家間唔時都會番睇既一套戲...推!!

阿爾伯特 提到...

Samsara小姐:

一切因果業力,真是難以說清。

或許,世間上很多事情並非黑白明顯對立,而是灰色混合體 ---> 即灰道佔大多數。

Gideon 提到...

我同意 AK, 我好鐘意呢部戲,絕對好睇過斷背﹗

seikomatic 提到...

Crash 睇左,開始覺得唔錯,好流暢,不過個 fan 話佢系部好睇既【電視劇】多過電影,個 fan 話斷背有好多好細利(?),好subtle 既細節,好似嬲住對方件衫咁,俺未睇,所以唔知?

PS Albert have you ever been to keyhk?

阿爾伯特 提到...

seikomatic:

http://www.keyhk.com

未入過呀! 好似有forum及Auction wor.....有甚麼得意野先?

Samsara 提到...

AK哥哥:真係估吾到咁好睇,會睇多次呀,吾還住嫁啦.

Albert哥哥:業力...我地要承擔昨日所種下既結果,另一方面今日既作為就會明日結果,所以一切既後果只可以自己承擔,無人可以代你受.

但係業力仲有好積極既一面---如果努力行善,因為你既環境實在不適合惡因生長,所以連以往種下的惡因會結不成果,或者重罪輕受.

所以不怨天,不由人,諸善奉行,人就自己創造自己既命運.

Gideon:我無睇斷背呀,文藝+牛仔,真係好吾岩我.

大師:"開始覺得唔錯"...既係之後吾好睇?我睇到開熗而小妹妹無事果下,真係好佩服導演既編排嫁,好鍾意紅色子彈呀.

仲有果個好慘被人撞既中國人原來係蛇頭...都好震撼下,直頭覺得大導係度專門打我地d觀眾既刻板平面睇表面既stereotyping,真係有d比人一巴打醒既感覺.

真係要睇多次.

Bijoy 提到...

be like a bad cop.kewl blog ,interesting stuff you have got here keep up the good work.be in touch


regards

Biby Cletus
Kerala,
India

seikomatic 提到...

sam 師妹,

搵番個【膩】字啦。

Samsara 提到...

Mr Biby, do you mean you read Chinese? But I am actually writing in Cantonese, a dialect used in Hong Kong.

India. Wow, I have been there once when I was studying. Love the "cha" and the red pottery cup that hold it.


大師:吾明呀,我吾識潮州話.

seikomatic 提到...

Sam 師妹,

借個位: Albert 俺以為你系個舊朋友。咁而家從新開始吧。

阿爾伯特 提到...

Seikomatic:

我們可能於現實世界認識過呢,無人能說得準!

P.S. 遲D Link埋您個Blog光

ah-yun 提到...

yea, it's a very powerful movie. we really don't know ourselves...