Crash

朋友比我睇既,之前連戲名都無聽過.

好多條線一齊發展,係講種族,更加係講多角度,又或者係人性既複雜性.好徹底地癲覆stereotype和單一化既形象.將我地由二維既平面空間，拉入三維既立體世界．

警察A,佢火爆臭脾氣，係濫用警權非禮女性既人渣．但同時又係孝順仔,仲係一個真係有事時會拾身救人既英雄.

警察B,不屑警察A惡行,自己絶無種族歧視．但剛在其他警察手上救左一個黑人,就錯手殺左另一個黑人.點解會錯手？絶對同膚色有關．佢既種族歧視其實根深柢固得自己都不察覺.正如警察A所言,佢真係吾了解自己.

警察B係偽君子到呃埋自己?

咁，誰是good cop,誰是bad cop?

又，一個成日講黑人點比白人歧視既黑人,打家劫車,無惡不作，結果幫左一班自己口中最睇吾起既chinamen.

又又，一個差ｄ比人撞死既可憐路人，竟然又係一個人口販子．

又又又，比白人警察熗殺既黑人竟然係卧底，不過之後又在佢既車入面發現巨額現款．．．

又又又又，佢睇落英明神武，玩世不恭，內心卻是渴望母愛的小孩子．


最喜歡係invisible cloak既故事,好童話,不過都可以真係發生嫁.

在暖暖父愛之下,一個小女孩成功自我寮傷;一個大女孩既穎智選擇,紅色子彈救了自己爸爸.兩個故事真係完美的mirror image.


咁多角度,咪自己揀用邊個角度囉.我地只係凡夫俗子.

事情係咪好似表面咁簡單呢？人皆有父母，都係有血有肉既人，都有ｄ佢既難處，多ｄ咁諗，會吾會就對人自然好ｄ呢？